العيــــــــــــــاده النفسيــــــــــة

بسم الله الرحمن الرحيم
اهلا بكل اعضاء الكيس بوك هنا
ونقدر نسمى الموضوع ده المخده النفسيه او ((((العياده النفسيه ))))
موضوع لذيذ ومفيد هنعمله مع بعض
عشان نحاول نبقى مجتمع مسامح بلا مشاكل وبلا فهم خاطئ للمواضيع
عيزين نبقى كلنا أســره واحده بنحل مشاكل بعض وبخاف على بعض وعيزين نغير من نفسنا

موضوعي بمقترح دعوه لتغير النفس
طبعا مش فهمين حاجه مني ولا أنا قصدي ايه
تعالو نشوف فكرة الموضوع اللى بفكر فيها ويارب تعجبكو

دلوقتي زي ما رسولنا الكريم ( عليه أفضل الصلاة والسلام ) قال
ان لازم كل واحد مننا

ينام اخر يومه على مخدته وهو مسامح كل الناس وميكونش شايل ضغينه لحد ولا كره
ولو زعلان من حد لازم يصالحه وخيركم من بدأ بالسلام
وكمان لازم واحنا نيمين على المخده دي نحاسب نفسنا على كل اللى عملناه غلط فى اليوم
وايه اللى عجبنا النهرده وايه اللى زعلنا

ايه رأيكو انا خليت اسم الموضوع المخده النفسية
وكل واحد يدخل الموضوع يتكلم عن شوية حاجات زي ......

- ايه اللى زعلك النهرده وخلاك تتعصب قوي ومن مين ؟
- ايه اكتر حاجه فرحتك النهرده ومن مين ؟
- ايه اللى كان نفسه يحصل ومحصلش ؟
- ولو فى حد زعلك النهرده او ضيقك وعمل معاك موقف زعلك قولنا عليه لو تحب .

أكيد بتسألو ليه كل ده صح
أقولكو أنا بص يا سيدي وبصي يا ستي

انا نفسي تكون الناس كلها متسامحه مع بعض وميزعلوش من بعض
الا لو كان فى حاجه جمده متتحلش
لان ناس كتير قوي بتزعل من ناس وممكن تكون الناس دي مظلومه
لكن انت الوحيد اللى شايف انهم غلطانين وغلطو فيك
لكن ممكن يكون أراء ناس تانيه هتشارك معانا هنا تفيدك
وممكن تحسسك فعلا انك انت اللى حساس جدا وبتزعل من اقل حاجه
يعني كلنا هناخد رأي بعض

اه نسيت اقولكم حاجه مهمه
الموضوع مفتوح كل يوم يعني اللى يكتب النهرده يكتب برضه بكره
لان كل واحد بيعدي عليه حاجات كتير قوي بتحصل فيومه وطبعا كل واحد برحته

وعلى فكره ممكن تكون الحاجه اللى هتقولها عاديه ومش مهمه قوي
بس كل الموضوع ان احنا نحس ان احنا قريبين من بعض وبنطمن على بعض
الموضوع ليس جديا بطريقة بحته لكن ممكن يكون فى مجال للضحك والهزار فى حدود الأدب طبعا

بس خلاص ده كل الموضوع ايه رأيكو بقه معلش رغيت كتير قوي

وياريت الكل يدخل ويشارك

- ايه اللى زعلك النهرده وخلاك تتعصب قوي ومن مين ؟مفييش
- ايه اكتر حاجه فرحتك النهرده ومن مين ؟ان استاذ الانجليزى هيدى درس خخخخخخخخخخخ
- ايه اللى كان نفسه يحصل ومحصلش ؟اخلص مواعيد كل الدروس لانى زهقت
- ولو فى حد زعلك النهرده او ضيقك وعمل معاك موقف زعلك قولنا عليه لو تحب .استاذ العربى رحنا له وملقيناهوش ولما اتصلنا بيه قال لسه معملش المواعيد حاجه تخنق

منوررررررره
ياعسوووووووووووووووله
مرسي لصراحتك
ياجميييييييييييييل