قهوة عم مرسى

موضوع: قهوة عم مرسى الأحد يوليو 26, 2009 6:36 pm

سالخير عليكو

يارب بخير دايما

طبعا الجو اللى احنا عايشينو اليومين دول جو مش عادى
(ياراجل !!!تصدق الدنيا حر )

ياعم اركن هو فى حاجه غير المنتخب
(اه بس د مش ركن الكورة )

شكرا للاضافه مانا عارفه انو مش ركن الكورة
اهدى بس واسمعنى

الاجواء الجميله اللى احنا بنعيشها (حلوة اجواء دى)
يووووووووة
(كملى كملى اما نشوف اخرتها )

كلنا بنشوف الماتشات صغير وكبير شباب وبنات

ليهم ف الكورة وملهومش فيها

(قصرى وهاتى من الاخر انت هتخطبى عارفين انجزى)

شكلى همد ايدى عليك
تعالى نبص بصه سريعه كدا ع الناس وهى بتتفرج ع الماتش
(نبص ومالو)
زتونه: واد عصبى اووووى ومن يوم ما فتح عينو ع الدنيا وهو بيلعب كورة وحياتو كلها كورة بس تقول ايه بقى للكوسه

دا قبل الماتش تلاقيه حاجز مكانو ف قهوة مرسى الدبش
ومش لازم يحجز كدا كدا محدش بيقعد مكنو واللى بيقعد جمبو وقعتو سودا
وهو بيتفرج ع الماتش بقى تلاقى الدنيا كلها بتتنطط ف وشو
وتحس انو بيلعب معاهم

وبصوت عالى اوى وبعصبيه

*يا معلم يا معلم يا معلم عليا الطلبات الواد زيزو دا ماليه حل

حد يفتح بقااااااااااااااااااااااا

*يووووووووووة حرام على تيييييييت يابنى ماهو قدامك اهو

باسى بقى باسى يخربيت تيييييييت يا جدعان الواد دا حمار وهيضيعنا ولا ايه يا جدعان

حرام بقى
نفسنا نعملها
يلا يلا
ببطن رجلك
خدو ع الضيقه بقى وعرضها
اهو اهو اهو
جوووووووووووووووووووووووووووووووووووول

وتلاقى زتونه بقى راح ضارب شيحه بالالم على وشو
وبونيه للواد لمونه وافا لمعرفش مين
ومش ناقص غير انو يمسك الكرسى ويكسرو على دماغ العيال
واهوم اهوم اهوم المصريين اهوم

زتونه دا نوع موجود من الشباب
وطبعا فى انواع تانيه كتيرة بنشوفها ف القهوة وانت بتتفرج ع الماتش

بالنسبه للشباب بقى
ايه ظروفك وانت قاعد ف القهوة بتتفرج ع الماتش لو ف القهوة او ف البيت ؟

طبعا البنات برده ليهم دور فى الموضوع ده ماحانا كمان لينا ف الكورة

البنات بقى
تعالو نشوف اتنين بنات بتتفرجو ع الماتش

قبل الماتش
-ايه يا موزة مش هنتفرج ع الماتش ولا ايه

-انا عارفه ياختى ابويا لو قعد ف البيت تبقى خربت

-لا متقلقيش انا هسخن ابويا واخليهم ينزلو يقعدوا ف القهوة

-اشطه عليكى انا هجيب العلم وانتى عليكى باكو الشاى
بيس

-بيس عليكى

والماتش بدأ

-ايه دا مش دا عماد متعب دا موز اوووى
يالهووويز يهبل يهبل

-متعب مين يا عاميه الهى يتعبك زى مانتى تعبانى
قولتلك ميه مرة دا احمد حسن

-بس موز بردو لما يجى متعب ابقى قوليلى ماشى

-ماشى حاضر تحبى اقولو انك سالتى عليه بالمرة
واجبلك رقم موبايلو
ما تتهمدى يا بت وخلينا نعرف نتفرج

وساعه الجول بقى

هيييييييييييه هيييييييييييييييييه
وقامو يحضنو بعض ويرقصو

-متعب متعب اووووووة اوووووووووة

(مع العلم ان متعب مبيلعبش اصلا )

طبعا انا عارف ان البنات مش كدا بس هو دا المثل اللى جه ف دماغى

يلا يا بنات قولو ظروفكو ايه ف ماتشات المنتخب انا عارفه ان ليكو ف الكورة اكتر من الشباب تطبيق لمبدأ المساواه

انا خايفه اصحى م النوم الاقيهم شالو حسن شحاته وجابو فيفى عبدو تمسك المنتخب

يلا ما علينا

زائر

هههههههههههههههههههههههههههههههههههههههههههههه
ههههههههههههههههههههههههههههههههههههههههههههه
هههههههههههههههههههههههههههههههههههههههههههههه
ههههههههههههههههههههههههههههههههههههههههههههههههه
تسلم ايديكى

ههههههههههههههههههههههههههه
تسلمى يا عسل

ههههههههههههههههههههههههههههههههههه

تسلم الايادى يا معنمى

ههههههههههههههههههههههههههههههههههه
هههههههههههههههههههههههههههههههههه
تسلمى

ورده الاحلام كتب:: هههههههههههههههههههههههههههههههههههههههههههههه
ههههههههههههههههههههههههههههههههههههههههههههه
هههههههههههههههههههههههههههههههههههههههههههههه
ههههههههههههههههههههههههههههههههههههههههههههههههه
تسلم ايديكى

منوره يا عسووووووووووووووووله
ربنا يديم الضحكه
الحلوه دي ياعسل

ملاك المنتدى كتب:: ههههههههههههههههههههههههههه
تسلمى يا عسل

منوره
يا أجمل بنووووووته

ران الاسلام كتب:: ههههههههههههههههههههههههههههههههههه

تسلم الايادى يا معنمى

هههههههههههههههههههه
منوره ياجميييييييييييييييييله

» هل أنت بيضة أم جزرة أم قهوة ؟