عشان ما يطلعلكش ديل

ديل الانسان
عمرك سمعت عن انسان ليه ديل ؟
محمد صبحي قال مره الفرق بين الانسان والحيوان الديل !
فعلا ..
معاه حق ..
علماء الانثروبولوجي اللي هو علم الانسان بيقولوا ان الانسان حيوان أساسا بمعنى انه بيشترك مع الحيوان في موضوع الغرائز .. يعني احنا والحمار بنشترك في رغبتنا في الاكل لما نجوع .. واحنا والقرد بنشترك في رغبتنا في النوم لما نخلص تنطيط عالشجر ..الخرفان في العيد بتبقى قاعده مع بعضيها عن الجزار اي خروف بيحس بشوية اثارة بيشوفله اي خروفه في القطيع ويتعامل .. الحيوانات الظريفه دول بقى بيختلفوا عننا في ايه بقى ؟؟؟ في ان ربنا سبحانه وتعالى خلقلنا وحدة تحكم في الغرائز دي .. يعني تخيل معايا مثلا شاب او شابه .. كل ما يحس بأي اثارة يفتح النت ويتفرج على أباحة ويلبي نداء الغريزه !! ايه الفرق بينه وبين الخروف اللي مش بيتحكم في غرائزه مثلا ؟؟
الخروف حيوان ظريف ومش بنحقد عليه ولا بنكرهه ومفيش حد مبيحبش الضاني .. ولكن احنا بشر .. مش حيوانات .. دي قضية ضروري كل واحد مننا يحسمها مع نفسه .. بقدر تحكمك في غرائزك بتسمو انسانيتك .. وبقدر ما بتسيب نفسك لغرائزك بتقرب اللخروف والقطط اللي بتشوفها على صفافيح الزباله وانت مروح بيتكوا متاخر .. او مش متأخر حتى .. مره شفت المنظر ده في تقاطع !! وتخيل كم الحقد اللي كان في عيون الشباب وهمه بيهمهموا بينهم وبين بعض " ده القطط عملتها ياراجل " .. عشان كده بنقول لازم الواحد يحسم صراعه الداخلي بين انه يكون انسان او يكون قطه !!
حد يزعل مني ويقولي اييييه ياعم "ولقد كرمنا بني آدم " اقوله صحيح .. كرمناهم بإيه ؟؟ بالعقل .. طب ليه ؟؟ "وماخلقت الجن والانس الا ليعبدون" طب بالعقل يا جماعه لما واحد مننا يروح يفتح أباحه على النت او الفضائيات بيعمل ايه في عقله ؟؟ بيلغيه .. عشان لو فكر بيه مش هيقدر يعمل حاجه زي كده .. عشان هو ما اتخلقش لكده ..
وتعالوا ندردش بقى حبه في الموضوع ده .. الانسان بطبيعته بيقارن .. واسأل اي واحد عرف واحده قبل مراته .. من غير ما يحس تلاقيه مش عجباه مراته .. ليييه ؟؟ لإنه داق قبل كده طعم الصحوبيه .. وطعم بنت تانيه في حياته او شاب تاني في حياتها .. فطول الوقت مش عاجبه شريكه او عاجبها شريكها ..
نفس الموضوع في المشاعر بينطبق في الأباحة .. كووول اللي كان بيشوفوا اباحه واتجوزوا متعتهم ناقصه .. وبدرجات .. يعني لو واحد حب واحده في قصة حب ما حصلتش وعاشوا سنين .. عايز تقنعني انه هيحب مراته قد ما حب الاولانيه دي ؟؟ طبعا لأ لإنه استهلك نفسه وفضى بطاريته ..
فبالله عليك يا انسان منك ليه .. حلالك .. ولا حرامك ؟؟
انسانه تستمتع معاها بنسبة 113% ولا انسانه تستمتع معاها بنسبة 21% ؟؟؟
فكر بعقلك ..
النهارده مفيش إفيهات .. الموضوع بجد .. بطل ياض منك ليه الله يقطع سنينكو ..
والله العظيم شكلكوا مانتو مبطلين غير لما يطلعلكوا ديل ... محدش يزعل مني انا زي مامتكو ..